Auditoría Ecoambiental de 2º de BAC

O pasado día 21, catro alumnos de 2º de BAC participaron no Colexio Maior nunha auditoría ecoambiental sobre o paseo do río Sar. A actividade, organizada pola Universidade e concello de Santiago, consistíu nun taller participativo de diagnóstico titulado “Sentir, pensar e debatir o Ecobosque”. Un diagnóstico dende as percepcións, emocións e propostas de cambio na búsqueda de crear ciudades máis habitables e sostibles.

Coñecemos os cogomelos e fungos - 2º de E.P (Novembro/2025)

A semana pasada os alumnos de 2º de primaria visitaron o Centro de Interpretación de Parques e Xardíns de Belvís. Alí fixeron un obradoiro sobre a identificación de cogomelos e fungos, onde os puideron manipular e comprobar as súas diferentes partes, texturas e olores. Tamén visualizaron un vídeo e fixeron un experimento sobre unha técnica de cultivo de cogomelos na casa. A experiencia servíulles para aprender a importancia ecolóxica dos cogomelos e fungos como recicladores da natureza.

Día Mundial contra o cambio climático (24 de Outubro/2025)

O pasado día 24 de Outubro celebramos nas diferentes etapas do centro o Día Internacional contra o Cambio Climático. A través da visualización de vídeos e diferentes actividades nas aulas, o principal obxectivo foi o de concienciar os alumnos sobre as súas devastadoras consecuencias no noso planeta. Lembramos a importancia nesta data de xerar novas formas de consumo responsable e frear os efectos nocivos da contaminación, así como de concienciar a toda a comunidade educativa sobre a importancia de minimizar os efectos deste fenómeno.

Día Mundial dos animais (4 de Outubro/2025)

Na súa excursión de principio de curso, o alumnado de 1º da ESO realizamos unha visita guiada a Corax Fauna, centro educativo de rescate e recuperación da fauna. Alí, o alumnado coñeceu de primeira man o traballo que realizan para protexer e rehabilitar animais, moitos deles rescatados de situacións de perigo. Durante a visita, vimos aves rapaces, réptiles e mamíferos, e aprendemos sobre a importancia de respectar o medio ambiente e a biodiversidade.

Día Mundial contra o desaproveito de alimentos (29 de Setembro/2025)

O pasado 29 de Setembro celebrouse o Día Mundial contra o desaproveito de alimentos e os alumnos de Infantil visualizaron uns vídeos e fixeron diferentes actividades na aula para concienciarse do desperdicio e mala distribución dos alimentos no noso planeta.

Día contra o Cambio Climático

O pasado día 24 as nenas e nenos de Ed. Primaria celebraron o Día Internacional contra o Cambio Climático. A través da visualización de vídeos e diferentes actividades nas aulas, o principal obxectivo foi o de concienciar os alumnos sobre as súas devastadoras consecuencias no noso planeta. Lembramos a importancia nesta data de xerar novas formas de consumo responsable e frear os efectos nocivos da contaminación, así como de concienciar a toda a comunidade educativa sobre a importancia de minimizar os efectos deste fenómeno.

Saída de infantil ao CIPX

O alumnado de 6º e 5º de Educación Infantil realizou unha saída ao CIPX (Centro de Interpretación dos Parques e Xardíns de Compostela) no que participaron no obradoiro "Horta na escola". Tiveron a oportunidade de plantar unhas sementes propias da época do ano, as cales trouxeron para clase para así seguir co seu coidado e observación do proceso de crecemento. Foi unha actividade na que os nenos/as desfrutaron moito en contacto coa natureza.